Zergatik ezkutatu behar dira emakumeen titiburuak, eta gizonenak ez?

http://www.argia.eus/blogak/onintza-irureta/2015/05/15/zergatik-ezkutatu-behar-dira-emakumeen-titiburuak-eta-gizonenak-ez/

Duela ez hainbeste, Amerikako Estatu Batuetan adibidez, gizonek eta emakumeek, biek, zuten debekatuta hondartzan bular-muturrak erakustea. Irrika gehiegi eragiten zuten. Gaur egun, izaera sexuala emakumeenek baino ez dute mantentzen.

Bideoko emakumeak bere buruari galdetu dio zergatik aldizkarietan, filmetan eta egunerokoan emakumeen titiburuak ezkutatu behar diren. Gizonen paparrak biluzik ikusten ditu bazter guztietan. Kalera atera eta estatubatuarrei galdetu die ea zer iritzi duten horri buruz, eta hainbat emakume bular bistan ibili dira herritarren erreakzioak ikusteko.

Hainbat gizoni galdetu die ea zer gertatuko litzatekeen emakumeak titiburuak bistan direla ibiliko balira kalean. Haien ustez, kontzentrazioa galduko lukete gizonek, tentsioa sortuko litzateke edo begiak titiburuetatik kendu ezinik ibiliko lirateke.

1934an, Clark Gable aktore estatubatuarrak zalaparta sortu zuen, filma batean alkandora kendu zuelako. Urte haietan ez zen ohikoa gizonek bularraldea erakustea. 1930eko hamarkadaren bukaerarako aldatu ziren kontuak. Gizonen titimuturrek objektu sexual izateari utzi zioten eta hondartzan lasai ederrean ibili zitezkeen gizonak gerrirainoko bainujantziarekin. Ez zen gauza bera gertatu emakumeekin. Gaur egun, AEBetako ia estatu guztietan legala da emakumeek hondartzan bularrak erakustea, gutxi batzuetan debekatuta dago eta hainbatetan zalantzazkoa da legea. Dena dela, gauza bat da legala den ala ez, eta bestea bataren eta bestearen bular-muturrei zein begiekin begiratzen diegun.

Azken orduko berria: Picassoren Las mujeres de Argel enkantean saldu dute, 157 milioi euroren truke. Lau emakumeren bularraldeak biluzik agertzen dira margolariaren pinturan. Bada, AEBetako Fox 5 telebista kateak koadroko titiburuak lausotuta eman du albistea.

Emakumeon bularrak lausotu ditu Fox5 telebista kateak. Argazkia: arunadsouza.

EHUko agintariak lotsagorritu dituen Medikuntzako graduazio diskurtsoa

http://www.argia.eus/albistea/ehuko-agintariak-lotsagorritu-dituen-medikuntzako-graduazio-diskurtsoa

“Arduradunak nahiko gertu ditugula aprobetxatuz, Medikuntza euskaraz ikastea zer den azalduko dizuegu”. Halaxe ekin dio Xabier Iturraspek graduazio ekitaldiko diskurtsoari (behean bideoa ikusgai).

Zailtasunak Medikuntzako bigarren zikloan aurkitu dituztela nabarmendu du ikasleak: praktika eta mintegi gehienak erdaraz jaso dituzte eta ordu teorikoei dagokienez, Gurutzetan %36 izan dira euskaraz, Basurtun erdia, Donostian %65 eta Gasteizen ordu bakar bat ere ez da izan euskaraz, euskal lerroan matrikulatuta egon arren.

“Errektoretzak beste alde batera begiratzen du”

“Beraz, arazoa argi dago: ezinezkoa da EHUn Medikuntza euskaraz ikastea. Eta arazoa argi badago, erantzuleak ere bai: dekanotzak eta departamentu buruek gai honekiko interes falta nabarmena erakusten dute, irakasleen kontratazioetan euskaraz jakitea baino garrantzi gehiago ematen zaio sarri harreman pertsonal eta antzeko kontuei; euskara batzordeak urteak daramatza bildu gabe; errektoretzak beste alde batera begiratzen du; eta Osakidetzak EHUrekin duen hitzarmena dela-eta, ezin dute beraiena ez den ospitale batean eskolarik eman”.

Azken urteotan ez dela aurrerapausorik eman salatu eta Medikuntzako 120 ikasle euskaldunen eskubideak aldarrikatu ditu Iturraspek. “Ez gara bigarren mailako ikasleak!”.

MIR azterketan, EHUko lehenengoak euskaldunak

“Goiz honetan hainbatetan entzun dugu jasotako formakuntza bikainaren fruitua direla MIR azterketan lehenengo hamar postuen artean geratu diren EHUko bi ikasleak, baina inork esan al du euskal lerrokoak direla bi ikasle horiek? Ez al du honek frogatzen posible dela mediku ona eta euskalduna izatea?”.

Osasun sistema euskaldun eta publikoaren alde lan egitera deitu du hizlariak. “Gaur ikasle eta bihar mediku euskaldun bezala, euskaraz ikasi, sendatu eta batez ere euskaraz bizitzeko eskubide osoa daukagulako”.

Publikoaren txalo zaparrada jaso du diskurtsoak.

Zorraren mekanika Yanis Varufakisek gu garen ezjakinoi esplikatua

http://www.argia.eus/blogak/pello-zubiria/2015/05/17/zorraren-mekanika-yanis-varufakisek-gu-garen-ezjakinoi-esplikatua/

Yanis Varufakis. (Blog pertsonaletik hartutako argazkia)

Greziaren kiebra den ekaitz gobernagaitzaren kudeaketak izar mediatiko bihurtu duen Yanis Varufakis ministroaren liburu berri bat plazaratu da euskaldun gehienek ulertzeko moduko hizkuntza batera: “Economía sin corbata. Conversaciones con mi hija“. 2014an grezieraz argitaratu zen “Μιλώντας στην κόρη μου για την οικονομία” tituluz. Botoa emateko eskubidea aspaldi eskuratu arren mundua mugitzen duen diruaz gaztetxoak bezain ezjakin garenok baliatu beharko genuke krisitzarra pittin bat ikasteko.

Minotauro Globala” famatua idatzi zuen ekonomialariak 192 orritan laburbildu du ekonomiaren eta diruaren historia, Neolitikoa eta berehala Mesopotamian hasita XXI. mende honetaraino. Hedabideek eskainitako aurrerapenen artean, La Vanguardian Justo Barrancok laburbildu du bankuen bilakabideaz dioena. (gehiago…)

Zein soldata dagokizu etxeko lanengatik?

http://www.argia.eus/albistea/zein-soldata-dagokizu-etxeko-lanengatik

Etxeari lotutako jardueretan astebetez ematen dituzun orduak kalkulatu, atalez atal: sukaldaritza, erosketak, etxea garbitzea, arropa garbitzea eta plantxatzea, haurrak zaintzea eta leku batetik bestera eramatea, etxean pertsona helduak zaintzea…

Atalka ordu kopuru horrek izan behar lukeen ordainsari ekonomikoa eta guztira dagokizun soldata kalkulatuko dizu Dena Ez Dago Barne webguneak.

“Maitasunak ematen omen digu jaten, maitasuna dagoen unetik lan guztiak modu magikoan egiten omen dira, esfortzurik gabe. Maitasunean guztia sartzen al da?”. Ezetz uste du May Serrano ekimenaren bultzatzaileak, eta horregatik, emakumeena izan ohi den isilpeko lan horri guztiari merkatuko balioa eman dio. “Izan ere, lan hori inork egingo ez balu, munduak ez luke aurrera egingo”.

Lan erreproduktibo gisa izendatu ohi denari balioa eman eta ekonomikoki aitortzea da egitasmoaren helburua, egungo ekonomia ereduak lan produktiboaren eskematik kanpo uzten dituelako jarduera hauek eta ez direlako kontuan hartzen Barne Produktu Gordina kalkulatzerakoan.

Baina Kattalin Minerrek nabarmendu moduan, “ez ote da erreproduktiboa zena, benetan produktiboa? Hain zuzen, bizitza bera produzitu eta mantentzen duena?”.

Hezkuntzaren desorekak

http://www.argia.eus/blogak/mikel-garcia/2015/05/18/hezkuntzaren-desorekak/

Batez beste ikasleek 7 bat lortzea ez da zoriontzekoa, baldin eta erdiak “Bikain” atera badu eta beste erdiak “Gutxiegi”. Hezkuntza politikak ebaluatuz ateratzen dituzten rankingak tranpatiak dira batzuetan, funtsezko aldagai bat ez dutelako kontuan hartzen: oreka.

Denentzako irakatsiko duten ikastetxeak, ereduak eta politikak behar ditugu.

Alegia, 7 horretara ahalik eta ikasle gehien gerturatzea lortzen duen eredua izango da egokiena, eta ez batzuk aintzat hartu eta besteak alboratuko dituena. Horregatik, harrigarria da atera duten azken rankingak goraipatzea zeinen garrantzitsua den hezkuntza pribatua emaitzen arrakastarako. Ikasle guztientzako hezkuntza politikak behar ditugu, ez dirua duten gurasoen seme-alabak saritu eta klase baxukoak zokoratuko dituztenak; hezkuntza sare eta ikastetxe orekatuak behar ditugu, ez lehenengo mailako eta bigarren mailako ikastetxeak; ez da onargarria premia handienak dituzten ikasleak eta sozioekonomikoki zailtasun handienak dituzten familien haurrak ikastetxe jakinetan kontzentratzea; ez da onargarria baliabideak nota onenak biltzen dituzten eskoletara zuzentzea, behar gehiago dituzten ikastetxeei –ikasleei– eman beharrean.

Denentzako irakatsiko duten ikastetxeak, ereduak eta politikak behar ditugu, ahalik eta gazte gehienek helburu duinak lortzera bideratuak, eta ez desorekak sortzen dituzten praktikak, batzuen mesedetan, eta besteen kaltetan.

Gasteizko herri harresia, desobedientzia erakustaldia

Erresistentzia pasiboa erabiliz ehunka lagunek Igarki Robles, Ibon Esteban eta Aiala Zaldibar gazteak hiru orduz babestea lortu dute Gasteizen.

Egilea(k):
 Topatu.info Topatu.info

GURS: Euskaldunen infernua 70 urteren ostean

http://www.eitb.tv/eu/embed/gurs-euskaldunen-infernua-70-urteren-ostean/3634258906001/3634938415001/1–atala/

Gurs, Espainiako II. Errepublikaren galeraren ostean Frantzian errefuxiatu ziren euskaldunentzat eraiki zuten “harrera lekua” izan zen. Irekita egon zen 6 urteetan 6.500 euskaldun pasa ziren handik.

Bere sorreratik 70 urte betetzen diren honetan, Gurseko presoen zuzeneko testigantza eta senideei bidalitako eskutitzen bitartez, dokumentalak Gurs kontzentrazio esparrua izan zela eta Frantziara babes bila joandako errefuxiatuek bizi izan zituzten gorabeherak azaltzen ditu.

“Feminismoak bizitza salbatu dit”

http://www.argia.eus/argia-astekaria/2461/alda-facio

“… gehiegi luzatzen diren salbuespen egoeratarako emergentziazko planak”.

(Dani Blanco)

New York. 1960ko hamarkada bukaera. Emakumeen eskubideen aldeko manifestazioak. Zu.

Mugimendu sineskor bezain idealista bateko kide apasionatua nintzen eta mundua aldatzera gindoazen. Ez ginen haize-alde ari, erakunde askok gutxiesten gintuzten, eraikuntzako langileek jipoitzen… Baina aferak aurrera soilik egin zezakeelakoan geunden. Azken hamarkadek, ordea, atzeraldiak mehatxuka dauzkagula irakatsi digute, gutxi behar dela lorpenak komunetik behera botatzeko. Zentzu horretan, orduko feminismoa argiagoa zen, gardenagoa. Mugimenduentzako oinarrizko lanabesak izango ziren feminismoen teorien azterketa eta transmisioa genituen xede, ez egileek bakarrik ulertzen dituzten egungo ikerketa elitistak. Hanka-sartzea izan da teoria hari mataza askagaitz bihurtzeraino akademizatzea. Edozein emakumek, unibertsitatea inoiz zapaldu ez duten etxeko andreek barne, euren bizitzetan gertatzen ari dena ulertu eta aldatzeko giltzak ematen dituzten lanak behar ditugu.   (gehiago…)

SAGE

Submit your manuscript to SAGE Open — the open access journal for the social sciences and humanities

When you publish in SAGE Open, you will enjoy:

  • Rigorous peer review of your research
  • Multidisciplinary audience
  • Open Access format, driving high visibility for maximum global exposure
  • Prompt online publication