http://www.argia.eus/multimedia/solasaldiak/argazkigintzaren-drama-isila
Sebastião Salgadok 30 urte zituela ekin zion argazkilaritzari. Baina lana obsesio bihurtu zen. Hitzaldian kontatzen du bere burua ia akabatzera eraman zion lanbideari buruzko istorio sakon pertsonala; ‘Genesis’ izeneko bere azken lanaren irudi hunkigarriak ere erakusten dizkigu. Proiektu horretan, munduko ahaztutako jende eta lekuak erakusten ditu.
Egilea(k):
Ted.com
http://www.argia.eus/multimedia/solasaldiak/irainik-gabeko-kirola-posible-al-da
Antigua Luberri elkarteak antolatuta solasaldi interesgarria egin zuten otsailaren 4an. Irainek kirolean duten lekuaz hitz egiteko hainbat kirolari eta aditu bildu zituzten. Hala nola, Aitor Uriondo entrenatzailea, Rakel Delgado saskibaloi jokalari ohia, Gorka Elustondo eta Maialen Zelaia Realeko jokalariak, David Doblas Gipuzkoa Basketeko jokalaria eta Eli Pinedo Bera Bera eskubaloi taldeko jokalaria.
Egilea(k):
Hamaika TelebistaTelebistahttp://m.argia.eus/berria.php?id=52032
Italiak Mare Nostrum programa jarri zuen martxan 2013an eta Mediterraneoa gurutzatu nahi zuten migratzaileak erreskatatzea zuen bere funtzioen barruan. Hilero 9 milioi euro bideratu zituen Italiak programa honetara (Europar Batasunaren laguntzarik gabe) eta 150.000 lagun inguru salbatu zituzten.
EBko hainbat gobernurentzat ordea –tartean Mariano Rajoyren Gobernuarentzat–, bizitzak salbatzen dituen horrelako programa bat “pizgarria” da migratzaileentzat, Europara bidaiatu nahi izatea sustatzen duelakoan. Ondorioa: Mare Nostrum desagertu eta Triton programa jarri zuen martxan EBk 2014an: Mare Nostrumen herena du aurrekontua, sorospena ez baizik mugak kontrolatzea du helburu eta 1.500 hildako baino gehiago izan da emaitza.
EBren bilera eta Frontex filosofia
Azken ezbeharren ostean, migrazio politikaz hitz egiteko bilduko da Europako Batzordea. Sorospen funtzioari diru eta baliabide gehiago ematea edo migrazioaren aurkako oztopoak iturburutik bertatik gogortzea izango dute eztabaidagai. Dakiguna da 2004an EBk kanpo-mugetako kontrola indartzeko Frontex agentzia sortu zuenetik (Triton programa Frontex-en barruan dago) migratzaileen bidaia eragoztea izan duela eginkizun nagusi eta lehentasunezko. Ez alferrik hainbat salaketa ditu Frontexek bere gain, aldamenetik barkuak pasa eta laguntza behar zuen jendeari jaramonik ez egitea leporatuta.
Soluzioak
Logika horren arriskuaz ohartarazi dute Amnesty International eta errefuxiatuen babeserako ACNUR erakundeek. Azken honen proposamenak dira, besteak beste, itsasoan bilaketa eta sorospena bermatuko duen programa ezartzea, pertsonak erreskatatzen dituzten barkuei ordainsaria ematea, bisatu humanitarioak ateratzea, halako bidaiei ez ekiteko migratzaileei leku bat eskaintzea edota Italia eta Greziara iristen diren errefuxiatu siriarrak birkokatzeko programa pilotua abiatzea.
Bitartean, Europa gotorlekua bailitzan babestea da EBren filosofia. Gakoa abiapuntua aldatzea dela argi du Agustin Unzurrunzaga SOS Arrazakeriako kideak: oztopoa jartzeak, “ezin du etorri” esateak, ez luke oinarria izan behar, migrazioa eta birmigrazioa erraztea baizik, eta estaturen batek kontrakoa eginez gero, zergatia justifikatu beharko luke. “Merkantziak eta kapitala alde batetik bestera mugitzen badira, pertsonek ere eskubidea behar lukete mugitzeko. Baina pertsonen migrazioa beti dago estatu hartzaileen menpe: zenbat, nondik, nola… etorri daitezkeen, besteak diren arren beharra dutenak”.
http://www.argia.eus/blogak/mikel-garcia/2015/04/20/super-heroi-neskarik-ez-dutela-merkaturatzen-mutilek-ez-dituztelako-nahi-ama-batek-jasotako-erantzuna/
Big Hero 6 filmeko pertsonaiak seme-alaben kuttunak direla-eta, pertsonaiekin kuxinak egiteko oihala erostera joan da Veronica estatubatuarra. Baina hara, Springs Creative oihal-enpresa handian (10 milioi metro oihal ekoizten dituzte urtean) Big Hero 6 taldeko bi pertsonaia falta dira.
Bai, asmatu duzu: Honey Lemon eta GoGo super-heroi neskak dira inongo oihal puskatan ageri ez direnak. Konpainiari eskutitza idatzi zion Veronicak, kexu.
“Aj, neskak! Ze nazka!”
Enpresatik erantzun zioten 5-12 urte arteko mutilak direla filmaren audientzia nagusia (bigarren maila batean 5-12 urteko neskak eta nerabeak). Hortaz, “produktua bereziki mutilei zuzenduta dagoenez, pertsonaia nagusietan edo mutilak diren pertsonaietan zentratzea erabaki genuen. Ikusi izan baitugu zenbait mutilek ez dutela nahi neskak diren pertsonaiarik euren gauzen artean (aj, neskak! Ze nazka! Kar, kar)”. Jatorrizkoan: “(eeeww girls! Yuck! Haha)”.
Berriz ere enpresari idaztea erabaki zuen Veronicak: “Lehenik eta behin, Big Hero 6 da. Ez Big Hero 4 eta beste bi. Emakumeek ere lekua dute mundu honetan (…) Zuen fabrikako diseinuetatik emakumeak kenduz, mutilei esaten diezue ongi dagoela pentsatzea neskak nazkagarriak direla, mespretxagarriak eta mutilak baino gutxiago. Eta neskei esaten diezue mespretxagarriak direla, ez direla desiragarriak eta ez dela cool-a azkarra izatea, norberarengan konfiantza izatea (…) Eta konbentzituta nago ez duzuela ez mutilen ez nesken eragozpen handirik aurkituko heroi GUZTIAK irudikatzeagatik”.
Emakumezko pertsonaiak, maiz baztertuak
Nahi duenak Springs Creative konpainiari idazteko argibideak eman dituzte Pigtail Pals blogean eta nabarmendu dute ez dela gertaera isolatua. Sarri, merkatuak emakumezko pertsonaiak baztertzen dituela diote: Star Wars, Toy Story, Jake & Never Land Pirates edota Paw Patrol horren adibide. Argudiatzen diren arrazoi nagusiak, fabrikatzaileak sinetsita daudela mutilek ez dituztela neskak nahi euren gauzen artean, eta uste dutela neskek printzesetan eta modan baino ez dutela interesik.
Euskal Herrian ere, marketin sexista
Gurean izan dugu antzeko kasurik: herritar ugarik gutuna idatzi zion Susaeta argitaletxeari,Neskentzako ipuinak eta Mutilentzako ipuinak liburuak salatuz. Marketin sexista erreportajean bildu zuen afera Estitxu Eizagirrek.
http://ssociologos.com/2015/04/15/cuatro-retratos-sobre-el-drama-de-la-exclusion-documental-documenta-tu-salud/
El documental “Documenta tu salud” describe las barreras sanitarias que esta sufriendo colectivos de la sociedad española. Pero no solo nombra la falta de acceso por motivos económicos, sino medidas gubernamentales, como quitar la asistencia sanitarias inmigrantes irregulares, aunque actualmente ya se ha modificado esta ley, posiblemente por interés electoral. (gehiago…)
http://m.argia.eus/berria.php?id=52022
Herri Hezitzaileen Sarea martxoan sortu berri dute Euskal Herrian, heztea gizarte osoaren zeregina dela eta herritarrak –herria bera– eragile hezitzaile eta komunitate direla ulertuta. Hilaren 24an egingo dute aurkezpena, Hik Hasi egitasmoak antolaturiko jardunaldien baitan.
Herri hezitzailea, eskola herritarra izenburupean, bi eguneko jardunaldiak antolatu ditu Hik Hasik Donostian, eta gai ugariri helduko diote.
Hezkuntza humanizatua, Saratxaga, ondarea, harreman onak…
Haurra bere osotasunean hezteko hezkuntza humanizatuaz eta herritarren beharren neurrira egindako hezkuntza politikaz mintzatuko da, adibidez, Leo Pakhin Finlandiako Hezkuntza Kontseilu Nazionaleko kidea (suomieratik euskarara itzuliko dute); Koldo Saratxaga enpresa munduko aditu ezagunak hitzaldia emango du, hezkuntzan parte-hartzeak eta partekatzeak duen garrantziaz; herriko ondare kulturala herriko ikastetxeetan transmititzeko martxan dituzten esperientziak kontatuko dituzte hainbat herriko ordezkariek (Errenteria, Arrasate, Ordizia, Azpeitia, Orio…); eskolan elkarbizitza nola jorratu aztertuko du Jone Miren Hernandez EHUko Antropologia irakasleak; eta ikasleen artean harreman onak sustatzeko Harremonak programaz arituko dira, beste hainbat gairen artean.
Jarraipena Argian
Jardunaldien zuzeneko jarraipena egingo dugu ARGIAn. Webgunean bertan izango duzue irakurgai.
Revista Chilena de Antropologia