Anuntxi Arana antropologoak jasoko du Argizaiola saria

Euskal mitologia ardatz, antropologian burutu ditu bere lan idatziak Anuntxi Aranak.

Okzitania izango da aurten Durangoko Azokako herrialde gonbidatua. Argizaiola saria Anuntxi Arana antropologo eta ARGIAko kolaboratzaileak jasoko du, egindako ikerketengatik eta Baionan AEKn irakasle bezala eta mugimendu feministetan egindako lanagatik.

Gaur egun, Angelun bizi da Arana. Euskal mitologia ardatz, antropologiaren esparruan egin ditu bere lan idatziak.

Lehen hurbilketa Baionan egin zuen Diplôme universitaire de Basque ikasketen barruan, eta 1985ean Haranburu Altuna argitaletxeak argitaratu zion memoria gisa aurkeztutako lan hura, Bidarraiko Harpeko Saindua: erritu eta sineste zaharrak izenburupean.

Bere lan nagusia 1996an egin zuen: Bordeleko Uniabertsitateak eta EHUk elkarrekin zuzendutako doktorego tesia, Orozko Haraneko kondaira mitikoak, bilduma eta azterketa izenekoa.

150 kultur ekitaldi

Orotara 620.000 euroko aurrekontua izango du abenduaren 5etik 8ra egingo den Azokak. 245 stand jasoko ditu, 150 kultur ekitaldi, eta 330 nobedade.

Harrera hitzaldia Sergi Javaloyes idazle eta Akitaniako Kontseiluko kideak eskainiko du.

2016desokupatu: Inkesta Hiritarra eta datozen ekintzak / Encuesta Ciudadanista y próximas actividades

https://2016desokupatu.files.wordpress.com/2014/11/20141113_113434.jpg

Chicago to Publish New Journal: History of Humanities

Chicago to Publish New Journal: History of Humanities.

Peter Bakkerren hitzaldia Letren Fakultatean

Peter Bakkerren hitzaldia Letren Fakultatean.